Мечту Алексея Щучко исполнил профсоюз

Мара Аляксея Шчучко збылася, дзякуючы райкаму прафсаюзаў работнікаў адукацыі і навукі.

Напярэдадні навагодніх святаў вучань СШ №2 Аляксей Шчучко даслаў у рэдакцыю газеты відэазварот да Дзеда Мароза з просьбай ажыццявіць яго мару: хлопец даўно марыць пра фітнэс-бранзалет. Ён, упэўнены Аляксей, дапаможа яму падрыхтавацца да службы ў арміі – стаць хуткім, дужым і спартыўным.

Дапамагчы навагодняму чараўніку ажыццявіць мару хлопчыка вырашыла старшыня раённай прафсаюзнай арганізацыі работнікаў адукацыі і навукі Марына Кутовіч. Салодкія падарункі для Аляксея і яго малодшага брата, якія выхоўваюцца ў прыёмнай сям’і, перадаў старшыня раённага аб’яднання прафсаюзаў Расціслаў Бразінскі.