Першыя пераможцы рэдакцыйных конкурсаў атрымалі падарункі.

Напярэдадні Новага года раённая газета прапанавала астраўчанам стаць удзельнікамі рэдакцыйных конкурсаў – пераможцаў мы назвалі ў навагоднім нумары.

У мінулыя гады ўдзельнікаў і пераможцаў мы збіралі разам, каб павіншаваць ва ўрачыстай абстаноўцы і ўручыць узнагароды. Сёлета, на жаль, з-за эпідэміі каронавіруса былі вымушаны адмовіцца ад традыцыйнай сустрэчы з чытачамі.

Але днямі завіталі ў яслі-сад №3. Яго супрацоўнікі і выхаванцы сталі пераможцамі 3-х конкурсаў – на лепшыя відэавіншаванне, навагоднюю па­штоўку і ёлачнае ўпрыго­жанне.

Сяргей Цыбульс, Аліса Кулі­ко­ва, Эльдар Нехарошых атры­малі дыпломы, календары на 2021 год і падарункі ад рэдак­цыі і Цэнтра творчасці дзяцей і моладзі, які выступіў адным з нашых спонсараў.

А загадчык дзіцячага садка і яго супрацоўнікі, якія запісалі відэавіншаванне, узнагароджа­ны дыпломам «раёнкі» і серты­фікатам раённага аб’яд­нання Беларускага прафсаюза работ­нікаў адукацыі і навукі, які ім уручыла яго старшыня Марына Кутовіч.

Падарунак за перамогу ў конкурсе «Ідзе бычок» атрымала і навучэнка СШ №3 Кацярына Бандарчук.