_____________________________________
З людзьмі і для людзей
+375-1591-78837 231201 ул. Пионерская, 5 г. Островец
Жаночая каманда па валейболе заняла 3-е месца на абласной спартакіядзе работнікаў сістэмы адукацыі.
Нядаўна раённая газета паведамляла пра раённы этап спаборніцтваў, у які не былі ўключаны валейбол і міні-футбол, бо яны праводзіліся загадзя. У выніку абараняць гонар Астравеччыны на абласную спартакіяду па гэтых відах спорта паехалі зборныя каманды з усіх навучальных устаноў раёна.
Варта адзначыць, што канкурэнцыя была сур’ёзнай – за перамогу пад сеткай спаборнічала 20 каманд. Саперніцамі астраўчанак па групе сталі каманды з Воранава, Мастоў і Навагрудка. Нашы валейбалісткі прадэманстравалі цудоўную гульню, абыгралі ўсіх з яўнай перавагай і выйшлі ў фінал. Тут яны ўжо аспрэчвалі права за ганаровы п’едэстал і ў першай гульні сустрэліся з саперніцамі з Гродна. Барацьба была ўпартай і відовішчнай, але гродненкі аказаліся мацнейшымі.
А вось у паядынку за 3 месца астраўчанкі не ўпусцілі шанс і зноў святкавалі перамогу, упэўнена абыграўшы каманду з Ашмян.
Віншуем!