2 месца – фота Вольгі Бабіч, кіраўніка фізічнага выхавання ДЦРД №1 г. Астраўца

Вызначаны пераможцы конкурсу «Парад прафесій».

Журы, у склад якога ўвайшлі работнікі рэдакцыі і прадстаўнікі раённага аб’яднання прафсаюзаў, выбірала 3 здымкі, якія найбольш адпавядалі ўмовам конкурсу.

Так, пераможцам стаў здымак кінолага Арцёма Сазонава, які 6 гадоў служыць на пагранічнай заставе «Астравецкая», і 4 гады – з аўчаркай Флоксі.

На 2 месцы – фота Вольгі Бабіч, кіраўніка фізічнага выхавання ДЦРД №1 г. Астраўца, з «абсталяваннем» – дзіцячымі баскетбольнымі мячамі. 

  Аляксандра Махневіч, аўтар здымка:
– Фота зрабіла спецыяльна для ўдзелу ў конкурсе «Парад прафесій». Доўга не думала, якім яно павінна быць, – Вольга і на рабоце, і ў жыцці такая, як на здымку: пазітыўная, лёгкая, творчая і ў той жа час адказная. Хоць і малады спецыяліст, але з усім спраўляецца на «ўра».

3 месца заняў здымак Веранікі Янко­віч на камбайне. Ужо 2 сезоны бухгалтар КСУП «Гервяты» падчас  гара­чай уборачнай кам­паніі становіцца памочнікам камбайнера, якім з’яўляецца муж Дзмітрый. 

  Галасаванне на прыз глядацкіх сімпатый, якое праводзіла газета “Астравецкая праўда”, у прафсаюзным конкурсе “Парад прафесій” завяршылася.

З самага пачатку галасавання з 44-х фота ў лідарах аказаліся здымкі таксіста Алены Вялікай, выхавацеля Дануты Сухарэўскай, медыцынскай сястры Зоі Корзун, музычнага кіраўніка Аксаны Юркевіч, кінолага Арцёма Сазонава і галоўнага агранома Рыгора Яроміна.

Усяго ў галасаванні прыняло ўдзел 1 510 чалавек.

Лепшым, па меркаванні наведвальнікаў, якія маглі пакінуць свой “лайк” за адзін з фотаздымкаў, стала фота Арцёма Сазонава (416 галасоў), які даслаў на конкурс аўтар Антон Бандарэнка.

Чакаем Антона Бандарэнку ў рэдакцыі, каб уручыць абяцаны прыз.

Вынікі галасавання можна паглядзець тут 

Віншуем пераможцаў! 

АП