_____________________________________
З людзьмі і для людзей
+375-1591-78837 231201 ул. Пионерская, 5 г. Островец
Былы старшыня Астравецкай раённай арганізацыі Беларускага грамадскага аб’яднання ветэранаў Расціслаў Герт прымаў 28 сакавіка віншаванні – ветэран працы адзначыў 90-гадовы юбілей.
У госці да Расціслава Арсенцьевіча прыйшлі намеснік старшыні райвыканкама Генадзь Бычко, лідары раённага савета ветэранаў Ірына Шляхтун, раённай арганізацыі РГА «Белая Русь» Ірына Раткевіч і раённай арганізацыі прафсаюза работнікаў адукацыі і навукі Марына Кутовіч.
Практычна ўсё жыццё Расціслаў Герт прысвяціў нашаму раёну – у розныя гады працаваў настаўнікам і дырэктарам некалькіх школ, узначальваў аддзел народнай асветы, быў намеснікам старшыні райвыканкама і старшынёй раённай арганізацыі Беларускага грамадскага аб’яднання ветэранаў. У юбілейны дзень нараджэння Расціславу Арсенцьевічу адрасавалі самыя цёплыя віншаванні і пажаданні, уручылі прывітальныя адрасы, Падзячнае пісьмо старшыні Астравецкага райвыканкама і падарункі.