Правильное питание: основные принципы детского сада №4

У дзіцячым садзе № 4 харчаванне – гэта не проста штодзённае забеспячэнне дзяцей ежай, гэта важны момант, які спрыяе іх фізічнаму і эмацыянальнаму развіццю.

З ранняга ўзросту малышы павінны разумець пастулаты правільнага харчавання, ведаць карысныя прадукты і тыя, якія варта абмяжоўваць, вучыцца паводзіць сябе за сталом і карыстацца сталовымі прыборамі, быць ахайнымі і ветлівымі. Таму перад педагогамі стаіць пытанне далучэння дзяцей да культуры харчавання – каб гэта было карысна і займальна.

Прыёмы ежы педагогі суправаджаюць мастацкім словам: прымаўкамі, пацешкамі альбо загадкамі. Гэта робіць сняданкі, абеды і падвячоркі пазнавальнымі. Праходзяць заняткі на тэму здаровага харчавання – дзецям расказваюць пра ролю вітамінаў і мінералаў у арганізме. А для лепшага засваення навыка правільнага харчавання ў групах арганізоўваюць сюжэтна-ролевыя гульні: дашкаляты гуляюць у «Краму» і «Кухню», прымяраюць ролі «повара», «прадаўца», «кандытара».

А колькі радасці атрымліваюць малышы ад дзяжурства! У такія моманты яны замацоўваць правілы этыкету, вучацца накрываць стол, карыстацца сталовымі прыборамі.

Частыя госці дзеці і на харчаблоку – падчас такіх экскурсій выхаванцы бачаць працэс прыгатавання страў.

Цесна мы супрацоўнічаем і з сем’ямі. Педагогі знаёмяць бацькоў з прыкладным меню, прынцыпамі яго складання, рэцэптамі страў, вядуць прапаганду здаровага харчавання і правілаў сталовага этыкету.

Вольга МІХНО, загадчык дзіцячага сада №4.